السمكه الشريره
النهارده الإنترنت وقعت في مصر كلها بنسبة 70 %
والسبب هو إن أحد الكابلات البحريه اللي موصله الإنترنت لمصر إتقطع على بعد 10 كم من الإسكندريه
جرت شائعه إن سمكة قرش هي اللي عضت الكابل، وإن نفس السمكه هي اللي عضت الكابل بتاع الجزائر اللي إتقطع من سنتين!!!
بس كان شعور غريب إنهارده، إني أدخل على الإنترنت النهارده في عز الظهر وما ألاقيش حد موجود غير صحابي اللي بره مصر.
والناس في مصر جالها هلع مجوسي لما الإنترنت قطعت، فعلاً الإنترنت بقت حاجه مهمه جدا في حياتنا.
الموضوع ده فكرني باللي حصل في أوائل التسعينات لما الكهرباء قطعت عن مصر كلها بسبب عاصفه ضربت أسوان وتسببت في تلف كابلات الكهرباء اللي جايه من السد العالي.
اللذيذ في اﻷمر بقى إن إصلاح الكابل ده هياخدله ييجي أسبوعين، يعني الإنترنت هاتفضل بطيئه جدا لمدة أسبوعين كمان.
والسبب هو إن أحد الكابلات البحريه اللي موصله الإنترنت لمصر إتقطع على بعد 10 كم من الإسكندريه
جرت شائعه إن سمكة قرش هي اللي عضت الكابل، وإن نفس السمكه هي اللي عضت الكابل بتاع الجزائر اللي إتقطع من سنتين!!!
بس كان شعور غريب إنهارده، إني أدخل على الإنترنت النهارده في عز الظهر وما ألاقيش حد موجود غير صحابي اللي بره مصر.
والناس في مصر جالها هلع مجوسي لما الإنترنت قطعت، فعلاً الإنترنت بقت حاجه مهمه جدا في حياتنا.
الموضوع ده فكرني باللي حصل في أوائل التسعينات لما الكهرباء قطعت عن مصر كلها بسبب عاصفه ضربت أسوان وتسببت في تلف كابلات الكهرباء اللي جايه من السد العالي.
اللذيذ في اﻷمر بقى إن إصلاح الكابل ده هياخدله ييجي أسبوعين، يعني الإنترنت هاتفضل بطيئه جدا لمدة أسبوعين كمان.
posted by Mountaineer™ @ ٥:٥٧ ص
0 Comments:
إرسال تعليق
<< Home