المصريين دول غلابة أوي
المصريين دول غلابة أوي
ولا عارفين نعيش جوه بلدنا عشان ظروف البلد صعبه
ولا عارفين نعيش بره عشان بنحب بلدنا وأهل بلدنا والغربة مش نافعه
اللي عايش برة تعبان وعاوز يرجع
واللي عايش جوه تعبان وعاوز يطلع
واللي طلع تعبان
واللي رجع ندمان
posted by Mountaineer™ @ ١٠:١١ ص
5 Comments:
يابنى مفيش حل غير اننا نعمل فورمات للبلد من الاول
و ننزل فيدورا كور 6
وتستمر الساقية ..
يا ترى ايه اللى اتعلمته من كل ده ..
أكيد للصعاب فوائد . لكن مش عارف هوا الواحد هايستحمل ايه و ازاى و امتى و لأمتى زز
اللى بيسافر بره بيعمل فلوس كويسه ..لكن بيخسر حاجات كتير ..
واللى قاعد طهقان مش عارف يعمل ايه علشان يستريح و يعيش كويس ..
على فكرة يا بسام الفيدورا الكور 7 نزلت خلاص ..
دمتم بسعادة و بخير وبراحة بال و سلام مع النفس .. والله لورحت فين ..أخر الدنيا و دماغلك تعباك .. هتفضل تعبان للنهاية ..
لقد أصبت بيت القصيد لما قلت
"لورحت فين ..أخر الدنيا و دماغلك تعباك .. هتفضل تعبان للنهاية"
أنا فعلاً فكرت كتير قبل كدة في موضوع يا ترى إيه هي السعادة الحقيقية, وفي اﻵخر وصلت لإن السعادة هي إنك نوصل لحلاوة الإيمان عشان حلاوة الإيمان دية بتديك راحة بال رهييييييييبة وطالما بالك مرتاح يبقى خلاص ، كدة إنت وصلت
بالنسبة لموضوع السعادة من راي الشخصي ان السعاده مش حاجه توصلها جواز مثلا او بوزشن او مرتب معين لكن هي الطريق اللي انتا ماشي فيه تعدي مرحلة بمشاكلها وتتخطاها - تتجوز مثلا وتتحمل المسئولية تترقي في عملك وتتخطي مشاكله هي دي السعاده يعني حياتك كلها بمراحلها ممكن تخلي نفسك سعيد في مشوارها برضاك وعدم السخط واملك فيها علي الرغم من اللي بيحصل فيها من كوسه مثلا ومستوي المعيشة المنخفض يعني من الآخر تعيشها بكل ما فيها بل بالعكس تشوف المر فيها وتتخيله حلو او تضحك وتعدي الموضوع عشان ما تتعبش بس تكون راضي عن نفسك وشويت امل اكيد اكيد هتشوف حاجه كويسه او علي الاقل هتعيش ايام كويسة بتتوقف علي حسب نظرتك ليها ايه؟؟
ممكن تكون شخص بتتنرفز بسرعة دا مثلا مينفعشي في البلدي ومن ناحية تانية مش من الدين بس انا عارف ان الناس احيانا بتبقي بارده ودا غصب عنها من اللي بتشوفه يوميا . الموضوع مش بسيط بس انا بحاول اتكلم في الامثلة الاكثر حدوثا في الواقع بتاعنا ، اي استفسار او تحبو تردو علي كلامي ممكن بالاميل
ibrahim_aatef@yahoo.com
ya bassam lazem te3raf en el-balad isnt compatible with Fedora core 7, a7'erhom Redhat 7.2 aw windows 3.11 :D lol
إرسال تعليق
<< Home