بييب بييب بب بب بييب
بطولة اﻷمم الفريقيه بتتلعب اليومين دول في غانا.
أول إمبارح مصر لعبت مع ساحل العاج في الدور قبل النهائي والنتيجه كانت فوز مصر 4-1 :)
طبعا ده فوز كبير جدا وأسعدنا كلنا مش بس عشان النتيجه كبيره مع فريق معظم الناس بيعتبروه أقوى فرق البطوله على الإطلاق، إنما سبب السعاده اﻷكبر هو كان الآداء الرائع الهجومي الجميل، وكمان الفرحه كانت مضاعفه عشان كل العالم كان متوقع فوز ساحل العاج بسهوله.
أنا شخصيا ما قدرتش أتفرج على الماتش عشان أعصابي ما كانتش مستحمله، مع إني كان عندي إحساس داخلي إن إحنا هانكسب بس فعلا ما كنتش قادر أتفرج.
أنا نمت بعد بداية المباراه بشويه وصحيت الساعه 2 ونص الصبح على صوت كلاكسات، أنا قلت يا إما مصر كسبت يا إما دية زفة مثلا.
أنا قمت فتحت الكومبيوتر ودخلت على موقع في الجول وكانت لحظات صعبه أوي بالنسبة لي لما الموقع كان لسه بيحمل، قلبي كان بيدق بسرعه وكنت فعلا مرعوب. بس الحمد لله ربنا كرمنا أكبر كرم.
إن شاء الله هانلعب المباراه النهائيه بكره الساعه 7 مع الكاميرون وبغض النظر عن مين اللي هايكسب أنا فرحان جدا مش عشان طلعنا النهائي لثاني مره على التوالي، إنما عشان فعلا مصر بقى عندها فريق محترم جدا جدا وكورته هجوميه وجميله جدا. كمان ﻷول مره برضه مصر يبقى عندها مجموعة لاعبين عندهم لياقه بدنيه كمان.
شكرا مانويل جوزيه إنه دخل عقلية الفوز وعدم الرهبه في دماغ لعيبة مصر وإن الفريق ممكن يكسب جوه وبره.
شكرا حسن شحاته لعملك في صمت وبتركيز شديد وشكرا ليك المستوى الرائع للمنتخب وشكرا ليك الواقعيه و التواضع اللي زرعته في لعيبة مصر جميعا.
شكرا أبو تريكه، مش عشان إنت أحسن من بقية اللعيبه ولا حاجه، ولكن شكرا ليك لكونك قدوه في التواضع والأخلاق والطيبه للعيبة مصر جميعا.
شكرا للعيبة مصر
كلمه أخيره: نفسي إن شاء الله ناخد الكاس ولما الماتش يخلص كل لعيبة مصر يعملوا زي أبو تريكه كده في الصوره اللي فوق، وإبقى خلي الفيفا ولا الكاف يوقفوا منتخب مصر كله.
أنا مقتنع إن ده مش صح، بس الظلم بيخلي الناس تعمل حاجات كتير مش صح، ودية غلطة الظالم مش غلطة المظلوم.
أول إمبارح مصر لعبت مع ساحل العاج في الدور قبل النهائي والنتيجه كانت فوز مصر 4-1 :)
طبعا ده فوز كبير جدا وأسعدنا كلنا مش بس عشان النتيجه كبيره مع فريق معظم الناس بيعتبروه أقوى فرق البطوله على الإطلاق، إنما سبب السعاده اﻷكبر هو كان الآداء الرائع الهجومي الجميل، وكمان الفرحه كانت مضاعفه عشان كل العالم كان متوقع فوز ساحل العاج بسهوله.
أنا شخصيا ما قدرتش أتفرج على الماتش عشان أعصابي ما كانتش مستحمله، مع إني كان عندي إحساس داخلي إن إحنا هانكسب بس فعلا ما كنتش قادر أتفرج.
أنا نمت بعد بداية المباراه بشويه وصحيت الساعه 2 ونص الصبح على صوت كلاكسات، أنا قلت يا إما مصر كسبت يا إما دية زفة مثلا.
أنا قمت فتحت الكومبيوتر ودخلت على موقع في الجول وكانت لحظات صعبه أوي بالنسبة لي لما الموقع كان لسه بيحمل، قلبي كان بيدق بسرعه وكنت فعلا مرعوب. بس الحمد لله ربنا كرمنا أكبر كرم.
إن شاء الله هانلعب المباراه النهائيه بكره الساعه 7 مع الكاميرون وبغض النظر عن مين اللي هايكسب أنا فرحان جدا مش عشان طلعنا النهائي لثاني مره على التوالي، إنما عشان فعلا مصر بقى عندها فريق محترم جدا جدا وكورته هجوميه وجميله جدا. كمان ﻷول مره برضه مصر يبقى عندها مجموعة لاعبين عندهم لياقه بدنيه كمان.
شكرا مانويل جوزيه إنه دخل عقلية الفوز وعدم الرهبه في دماغ لعيبة مصر وإن الفريق ممكن يكسب جوه وبره.
شكرا حسن شحاته لعملك في صمت وبتركيز شديد وشكرا ليك المستوى الرائع للمنتخب وشكرا ليك الواقعيه و التواضع اللي زرعته في لعيبة مصر جميعا.
شكرا أبو تريكه، مش عشان إنت أحسن من بقية اللعيبه ولا حاجه، ولكن شكرا ليك لكونك قدوه في التواضع والأخلاق والطيبه للعيبة مصر جميعا.
شكرا للعيبة مصر
كلمه أخيره: نفسي إن شاء الله ناخد الكاس ولما الماتش يخلص كل لعيبة مصر يعملوا زي أبو تريكه كده في الصوره اللي فوق، وإبقى خلي الفيفا ولا الكاف يوقفوا منتخب مصر كله.
أنا مقتنع إن ده مش صح، بس الظلم بيخلي الناس تعمل حاجات كتير مش صح، ودية غلطة الظالم مش غلطة المظلوم.
posted by Mountaineer™ @ ٨:٣٣ ص
0 Comments:
إرسال تعليق
<< Home