الأحد، مايو ٢٥، ٢٠٠٨

التدخين ... ليه؟



أنا كتير بافكر في موضوع التدخين ده بصوره فلسفيه شويه، هي إن ربنا خلقنا وخلق معانا شوية إحتياجات فسيولوجيه زي الجوع والعطش والجنس، يجي الإنسان بقى يقرر إنه يخلق لنفسه حاجه فسيولوجيه جديده هي إنه يحرق شوية ورق ريحته وحشه ويدخله لرئتيه وبعد كده يدمن الموضوع ده ويفضل محتاجه على طول !!!

من أسوأ الحاجات اللي عرفتها البشريه موضوع التدخين ده، وكمان التدخين هو مدخل للإدمان، يعني صعب أوي تلاقي واحد مش بيشرب سجاير وتلاقيه بيشرب بانجو أو حشيش مثلاً.

بصراحه أنا لو مسئول عن بلد هاصدر قرار ديكتاتوري بمنع التدخين ومنع تداول الدخان على الإطلاق.

posted by Mountaineer™ @ ٩:٤٠ ص