شئ مخيف
زمان اللي كان عاوز يكتب كان لازم يكتب على حاجه ملموسه، يعني كان لازم يكتب على ورق ولا خشب ولا حتى على الحيطه ... إنما دلوقت خلاص معظمنا أصلاً نسي الورق، وبقت الكتابه بالنسبه لنا هي إنك نكتب على لوحة مفاتيح الكومبيوتر، ومعظم اللي بنكتبه مش بيتطبع، في مننا بيحفظ اللي كتبه على الهارد ديسك بتاع جهازه وفي اللي بيكتبه في مدونه وفي اللي بيحطه على إسطوانات ولا على ديسكات ... الخلاصه إن خلاص معظمنا ما بقاش يكتب على حاجه ملموسه ولا حاجه ممكن تعيش سنين بدون الحاجه لأي نوع من أنواع الإهتمام ولا الرعايه.
انا باكتب الموضوع ده لأن في في دماغي سيناريو مخيف شويه ....
تخيل معايا إن الهارد بتاع ضرب ... بتحصل طبعاً
أو تخيل إن الإسطوانه بتاعتك إتجرحت أو جيت تشغلها بعد فتره كبيره ما رضيتش تشتغل ... بتحصل طبعاً
أو إن الديسك بتاعك باظ
طب تخيل إن الشركه اللي عامله إستضافه للبلوج بتاعك فلست أو حصل فيها مشكله كبيره جداً إدت إلى ضياع كل الداتا أو إن الشركه دية إتدمرت في حرب أو في كارثه طبيعيه؟
شئ مرعب فكرة إن كل الإبداعات الموجوده في صوره إلكترونيه فقط دية ممكن تضيع في ثانيه، إبداعات عشرات السنين من شعر ونثر وأدب ومذكرات وخواطر، كل ده ممكن يضيع وما يبقاش منه ولا أثر ولا حتى قصاصة ورق.
تفتكروا السيناريو ده ممكن يحصل؟ أنا أفتكر بصراحه
من المعروف إن الـ IT ده مجال الربحيه فيه عاليه أوي، بس في نفس الوقت المخاطره فيه عاليه أوي، يعني ممكن شركه النهارده تبقى في السما وأرباحها بالملايين وبعد كام سنه تفلس وتنهار.
وكمان أصلاً مجال الإنترنت ده لسه البشريه بتخطو فيه خطواتها الأولي، يعني ما فيش تاريخ نتعلم منه وما نعرفش إيه اللي ممكن يحصل.
شئ مخيف ... مش كده؟
انا باكتب الموضوع ده لأن في في دماغي سيناريو مخيف شويه ....
تخيل معايا إن الهارد بتاع ضرب ... بتحصل طبعاً
أو تخيل إن الإسطوانه بتاعتك إتجرحت أو جيت تشغلها بعد فتره كبيره ما رضيتش تشتغل ... بتحصل طبعاً
أو إن الديسك بتاعك باظ
طب تخيل إن الشركه اللي عامله إستضافه للبلوج بتاعك فلست أو حصل فيها مشكله كبيره جداً إدت إلى ضياع كل الداتا أو إن الشركه دية إتدمرت في حرب أو في كارثه طبيعيه؟
شئ مرعب فكرة إن كل الإبداعات الموجوده في صوره إلكترونيه فقط دية ممكن تضيع في ثانيه، إبداعات عشرات السنين من شعر ونثر وأدب ومذكرات وخواطر، كل ده ممكن يضيع وما يبقاش منه ولا أثر ولا حتى قصاصة ورق.
تفتكروا السيناريو ده ممكن يحصل؟ أنا أفتكر بصراحه
من المعروف إن الـ IT ده مجال الربحيه فيه عاليه أوي، بس في نفس الوقت المخاطره فيه عاليه أوي، يعني ممكن شركه النهارده تبقى في السما وأرباحها بالملايين وبعد كام سنه تفلس وتنهار.
وكمان أصلاً مجال الإنترنت ده لسه البشريه بتخطو فيه خطواتها الأولي، يعني ما فيش تاريخ نتعلم منه وما نعرفش إيه اللي ممكن يحصل.
شئ مخيف ... مش كده؟
posted by Mountaineer™ @ ١٠:٥١ ص
0 Comments:
إرسال تعليق
<< Home